अजुन का स्मरतो मजला
तो तूझा उन उन श्वास
अजुन का दारास दुपारी
सतत चांदण्यांचे आभास.
अजुन पुरता मेलो नाही
थोडा बहूत जीवंत आहे
अजुन मनाच्या कोपर्यात त्या
थोडा थोडा वसंत आहे.
वठलेले जरी झाड जाहलो
परत नव्याने होईन हिरवा
उरातली विसरून भैरवी
परत आता छेडीन मारवा.
परत एकदा लिहिन कविता
डोळ्यामधले पुसून पाणि
हरफ हरफ जुळवीन नव्याने
तुझ्यावरतीच लिहिन गाणी......
महेंद्र गौतम.
कोणत्याही टिप्पण्‍या नाहीत:
टिप्पणी पोस्ट करा