गझल
पैका पैका गाठीशी का बांधत होती आई
फाटकाच संसार नव्याने सांधत होती आई
पायामधल्या कुरपाची ना कधी काळजी केली
सावलीत तू उन्हामध्ये अन नांदत होती आई
कसा सारखा धावत असतो पैश्यामागे वेड्या
तुझ्याचसाठी गुडघ्यावरती रांगत होती आई
तुझ्या बायकोच्या दिमतीला गॅस मिक्सर ओव्हन
तिखट धूरात आनंदाने रांधत होती आई
हमसून हमसून का रडशी जेंव्हा नसते आई
जप स्वतःला जातांनाही सांगत होती आई.
महेंद्र गौतम.
कोणत्याही टिप्पण्या नाहीत:
टिप्पणी पोस्ट करा