ग्लानी.

ही ग्लानी तुटू नये
घट्ट मिटून घ्यावेत डोळे
कोनाडयातल्या पणतीने खुशाल फडफडावे
सूर्यकिरणं चिमटीत पकडून
त्याची सुई करणारांनी खुशाल भरावेत
लोकांचे फाटकेघाव...
या अंधाराच्या तळाला मी घेईन उबदार झोप...
रांजणाच्या बुडाच्या थंडाव्याला
झोपलेल्या नार्सिस गांडूळा सारखी...
ज्यांचं रक्त तापतं त्यांनी खुशाल
मारावी डफावर थाप
मी मात्र गाईन भावकविता
मंजूळ स्वरात.....
ही ग्लानी तुटू नये
घट्ट मिटून घ्यावेत डोळे...
(पाखरं गाणी गाणारं आहेत)
महेंद्र गौतम...