"एक दिवस...!"

एक दिवस फक्त एकच दिवस...
थोडस स्वच्छ मनाने जगुयात...
प्रदुषणाने गच्च भरलेल्या वातावरणातही...
थोडा मोकळा श्वास घेऊयात.
... हा असा.... तो तसा...
ही छान ती खडुस....
नकोच कुणाला आता कसलीच बिरुदं.....
समोर आलेल्या प्रत्येकाशी
छान मोकळं बोलुयात.
दुखाःवल होतं कधीतरी..
कुणालातरी नकळत..
त्याची माफी मागुयात... अँटीट्युडला सुट्टी देउन...
एखाद्याला मनापासुन दाद देऊयात....
जिगरी दोस्तांनांही...
त्यांनिच आयुष्यात रंग भरल्याचं सांगुयात.
परत एकदा "तिच्या" प्रेमात पडुयात...
गुडघ्यावर बसुन.....
तुझ्याशिवाय जगताचं नाही येणार..
हे परत एकदा तिला ऐकुवयात.
एक दिवस....
फक्त एकच दिवस...
स्वतःतुन निघुन स्वतःलाच बघुयात...
आणि कुठल्याच मुखवट्याशिवाय स्वतःला स्विकारुयात...!
(अर्घ्यदान मधुन).
महेँद्र कांबळे.