क्रांतीगीत….!!!!

आली कशी ग्लानी
आज विचारणा कोणी.
आत्मघाती निद्रेतुनी जाग येऊ दे.
या गांडूळाचे पुन्हा नाग होऊ दे.

रक्त शूरवीरांच आहे तुझ्या अंगात
पेटूनी उठ गड्या ये पुन्हा रंगात
बंडाचा यांना पुन्हा भाग होऊ दे
या गांडूळाचे पुन्हा नाग होऊ दे.

घोंगावते जे तुझ्या वादळ उरात
निषेधाच गाण गाऊ आज सारे सुरात
डोळ्यातही दाटुनिया राग येऊ दे.
या गांडूळाचे पुन्हा नाग होऊ दे.

रुकू नको ; झुकू नको
घेतला वसा टाकू नको
अरे हक्क आहे तुझा वेड्या
भिक कुणा मागू नको.
क्रांतीने लाल हा भूभाग होऊ दे
या गांडूळाचे पुन्हा नाग होऊ दे.!!!
महेंद्र गौतम.