गाऊ चांदण्याच गाण...

अवघड जरी घाट
अवघड उतरण
वेचू आनंदाचे कण
गाऊ चांदण्याच गाण

तप्त दग्ध अशी धरा
देऊ श्रावणाच्या धारा
ठेऊ हसरा चेहरा
नको सजल नयन
वेचू आनंदाचे कण
गाऊ चांदण्याच गाण

माझ्या मनाच कोंदण
तुझ्या प्रितीच चांदण
तुझ्या प्रेमाचा सहारा
आणि सुख पखरण
वेचू आनंदाचे कण
गाऊ चांदण्याच गाण

दुखप्रद जरी जीण
उभ आयुष्य दोलन
तुझी साथ असे मला
वाळवंटी मरुद्यान
वेचू आनंदाचे कण
गाऊ चांदण्याच गाण…
महेंद्र गौतम.