पहिला पाऊस...

आईशप्पथ तो पहिला पाऊस...
भिजक्या मातिचा वेडावणारा...
ओला ओला मृद्गंध..
मातिच्या खोल खोल गर्भात..
अंकुरण्या आसुसलेली बिजं...
मनामनामनावर पसरलेली हिरवळं.....
आणि समोर तू...!!!
चिंब चिंब नखशिखांत भिजलेली...
दुधगो-या अंगावर बरसणा-या....
चंद्रदुधाळ सरी...
गालावरुन ओगळणारे...
लोचट, लगटखोर मोतिथेंब....
डोळ्यावर सारखी येणारी रेशीमबट....
सराईत कानामागे ढकलणारे हळदपिवळे हात...
विभोरुन बघतांना..
थंडावलेला आलेचहा...
सर्दी तापाने कोण फणफणेल......
तू का मी...?
महेंद्र कांबळे.