काँलेज म्हणजे....

काँलेज म्हणजे....
काँलेज म्हणजे....
उरात स्वप्न
अन् पंखात बळ...
स्वतःला सिध्द करण्याची
अविरत तळमळं...
काँलेज म्हणजे...
ओस ओस क्लास
अन् फुललेला कट्टा
कट्ट्यावरती तोंडाचा

सुरू दांडपट्टा...
काँलेज म्हणजे...
मागे बसुन दंगा
कुणाशिही पंगा
मॅमला दिलेला त्रास
अन् मोग-याचा श्वास...
काँलेज म्हणजे...
भटकायचा आटापिटा
सरसरत्या पावसात
धुंडाळलेल्या वाटा...
काँलेज म्हणजे
एक मिसळ सहा पाव
भैय्या चार कटींग लगावं..
टिचर्सची खपामर्जी..
गरमागरम अंडाभुर्जी..
काँलेज म्हणजे
कुणालातरी छेडणं
कुणीतरी आवडणं..
कुणाच्यातरी नंबसाठी
लाख लफडी करणं...
काँलेज म्हणजे
काँमनऑफची दमदाटी
क्वचीत लाडिगोडी
अन् पेट्रोलपंपपर्यंत
ढकलत नेलेली गाडी...
काँलेज म्हणजे...
नुस्तीच मज्जा करणं..
एकमेकांच्या बापाच्या नावानं..
एकमेकांना हाका मारणं...
काँलेज म्हणजे
लंचब्रेकमध्ये डब्बा शेअर करणं...
सतत तिच्या गोष्टी सांगुन
मित्रांना बोअर करणं...
काँलेज म्हणजे...
बहरलेली रातराणी
टेबल वाजवत म्हटलेली
बेधुंद गाणी...
काँलेज म्हणजे
क्रिकेटची मॅच
गुडघे फोडुन घेतलेला
अफलातुन कॅच...
काँलेज म्हणजे
काँरीडोरमध्ये केलेली झुकझुक गाडी
पिएलमध्ये वाढलेली दाढी
परिक्षेची धाकधुक थोडी...
काँलेज म्हणजे
फाटका खिसा
अन् काँलेज म्हणजेच
"विद्यार्थीदशा"..
काँलेज म्हणजे....
मित्राची घट्ट मिठी
मैत्रिणीच ओळखिच हसू..
अविरत चालत राहत काँलेज...
भले आपण त्यात असू किंवा नसू....
महेंद्र कांबळे.