ती अल्लड कधी.....
ती अल्लड कधी अलवार कधी
ती विज कधी तलवार कधी
ती वादळ झंझावात कधी
अन झुळूक ती हळूवार कधी....
ती ठरवते ते होते
आभाळही खाली येते
किती सहज ती कोणाही
आपुलेसे करून घेते
रागातही तिच्या अनोखी
एक छटा प्रेममय असते
ती पत्थर होतानाही
काळीज फुलांचे जपते
ती हट्ट कधी लडिवाळ कधी
ती अल्लड कधी अलवार कधी
ती विज कधी तलवार कधी....
महेंद्र गौतम...
कोणत्याही टिप्पण्या नाहीत:
टिप्पणी पोस्ट करा