पोर अबोल का झाली.??
कसा मोडला रे दैवा
तिचा बाहुलिचा खेळं
क्रूर अजगर गिळे
एक कोकरु कोवळं.
खेळतात सैनिकही
लुटूपुटूची लढाई
कसा हातात मिठाई
उभा घेउन कसाई.
लडीवाळ चंद्राला का
नांगी विषाची मारली?
बोरी बाभळीची शय्या
वर आग पांघरली.
ऐन उमलत्या वेळी
तिचा उजेड बुडाला
तिच्या अल्लड मोराचा
कसा पिसारा झडला.
भरदिवसा डोळ्यान
तिच्या आवस पाहिली
आई बापाला कळेना
पोर अबोल का झाली???
महेंद्र गौतम.
कोणत्याही टिप्पण्या नाहीत:
टिप्पणी पोस्ट करा