ही कुठली निळीजांभळी अद्भुत
फुलं उमललीयेत तुझ्या साध्याभोळ्या गावात अचानक.
किती पसरलाय हवेत हा मुग्धमादक गंध.
कसलं दैवी सौंदर्य लेवून आलीयेत
ही सुकुमार नाजूक फुलं.
बघणारा नजरबंद होतो ,भुलचकीत होतो
आणि बघता बघता बुडून जातो
या गुढघन जांभूळ डोहात भ्रमिष्टासारखा..
तुझा भाबडा गावं आता भाबडा उरला का?
अजून एक सांग....
ही रंगीबेरंगी निरागस फुलपाखरं
त्या फुलांवर बसताक्षणीचं
का पटापट मरून पडतायत?
महेंद्र गौतम.
कोणत्याही टिप्पण्या नाहीत:
टिप्पणी पोस्ट करा