ते टिपून मारतील
आपण असंच मरायचं का?
ते जिवंत जाळतील
आपण असंच जळायचं का?
किती युगांची आहे
त्यांची रक्ताची तहान तरी
नरड्यात सुळे खुपसतील
आपण असंच किंचाळायचं का?
ते आळीपाळीने बलात्कार करतात
भोगल्यावर प्रेत झाडाला टांगतात
मुजोरीने विकट हसतात
आपण भेदरून पळायचं का?
मस्तकाच्या होतील ठिकऱ्या
अन छातीचा होईल बुकना
ते राजरोस छातीवर नाचतील
आपण असंच हळहळायचं का?
-महेंद्र गौतम.
कोणत्याही टिप्पण्या नाहीत:
टिप्पणी पोस्ट करा