पहिला पाऊस आठवतो का?
पहिली मिठी पहिला किस आठवतो का?
तुला आपला पहिला पाऊस आठवतो का?
एक अडवळणाची वाट होती कॉलेजची.
वाट बघत थांबायचीस तो क्रॉस आठवतो का?
लालजर्द पेरू सारखं ओठांवरच गोड हसू..
आसपास असल्याचा गर्द आभास आठवतो का?
व्हॅलेंटाईनच एक गुलाब कॉल्ड कॉफी विथ हॉट ब्राउनी.
पिझ्झाच्या टॉपिंग वरला तो सॉस आठवतो का?
अवेळीच बहरलेल्या चंद्रमधुर अधीर रात्री..
रोम रोम रोमांचित अन् मोगरा श्वास आठवतो का?
होऊ नये होतात वाद सुटू नयेत पण सुटतात हात..
अधुरल्या स्वप्नाचा एक अधुरा प्रवास आठवतो का?
तुला आपला पहिला पाऊस आठवतो का ???
११ नोव्हेंबर..
कोणत्याही टिप्पण्या नाहीत:
टिप्पणी पोस्ट करा